Departmentof Education & Skills print friedly logo

Laethanta Saoire Scoile - An Scoilbhliain Chaighdeánaithe

Sos lár-théarma na Feabhra 2017

Bunscoileanna

Dúnfar na bunscoileanna uile ar Dhiardaoin 23ú Feabhra 2017 agus ar Dé hAoine 24ú Feabhra 2017.

(Is ceadaithe do bhunscoileanna 3 lá lánroghnacha a úsáid chun an sos seo a fhadú mar mhalairt rogha go dtí sos 5 lá don tréimhse ó Dé Luain 20ú Feabhra 2017 go dtí Dé hAoine 24ú Feabhra 2017 san áireamh mura bhfuil gá le socruithe teagmhasachta chun cúiteamh as am a cailleadh de bharr dúntaí scoile gan choinne.)

Iar-bhunscoileanna

Dúnfar iar-bhunscoileanna ó Dé Luain 20ú Feabhra 2017 go dtí Dé hAoine 24ú Feabhra 2017 san áireamh mura bhfuil gá le socruithe teagmhasachta chun cúiteamh as am a cailleadh de bharr dúntaí scoile gan choinne.
Áit a bhfuil gá le socruithe teagmhasachta is ceadaithe d'údarás scoile fad shos lár-théarma na Feabhra a laghdú trí fhanacht ar oscailt suas go dtí Dé Céadaoin 22ú Feabhra 2017, an lá sin san áireamh.

Sosanna caighdeánaithe don Nollaig, don Cháisc agus don lár-théarma

Tá na sosanna caighdeánaithe don Nollaig, don Cháisc agus don lár-théarma sa chéad agus sa dara téarma de na scoilbhlianta 2014/15, 2015/16 agus 2016/17 le fáil faoi Chiorclán 0016/2014 – Caighdeánú na scoilbhlianta 2014/15, 2015/16 agus 2016/17

An Scoilbhliain 2017/2018 agus Scoilbhlianta Ina Dhiaidh Sin

Nóta maidir leis an scoilbhliain 2017/18 agus maidir le scoilbhlianta ina dhiaidh sin: Déanfaidh na páirtithe athbhreithniú ar fheidhmiú na socruithe tráth nach déanaí ná earrach na bliana 2017. Cliceáil anseo dá mba mhaith leat fógra a fháil uainn nuair a bheidh na dátaí foilsithe.

Laethanta Saoire an tSamhraidh

Ní mór do scoileanna a bheith oscailte ar feadh 167 lá ar a laghad ag an leibhéal iarbhunscoile agus ar feadh 183 lá ag an leibhéal bunscoile. Níl caighdeánú déanta ar laethanta saoire an tsamhraidh agus tá cead ag scoileanna laethanta lánroghnacha a úsáid chun tús agus deireadh cruinn na scoilbhliana a shocrú.

Críochnaíonn bunscoileanna an scoilbhliain lá éigin i seachtain dheiridh mhí Mheithimh, de ghnáth.

Ní bhíonn iarbhunscoileanna ar oscailt i ndiaidh Dé hAoine roimh lá saoire bhainc an Mheithimh i mbliain ar bith chun na scrúduithe stáit a éascú.

Athosclaíonn na scoileanna le linn na seachtaine ina bhfuil an 1ú Meán Fómhair, de ghnáth.  Mar sin féin, d’fhéadfadh an scoilbhliain tosú sa tseachtain roimh sheachtain an 1ú Meán Fómhair chun go gcomhlíonfar an riachtanas foriomlán, is é sin, 167 lá scoile ag an leibhéal iarbhunscoile agus 183 lá scoile ag an leibhéal bunscoile ar a laghad a chur ar siúl.

Moltar duit na dátaí cruinne a fháil amach ó do scoil.